Search
    СОЛТ ЛЭЙК СИТИ
    News Release

    Дэлхий даяарх өсвөр үеийнхнийг шинэ сургалтын хөтөлбөрт бэлтгэхийг урьж байна 

    Шинэ эх сурвалж нь өсвөр үеийнхэнд хөрвөлтөө гүнзгийрүүлж, Есүс Христийн насан туршийн шавь болоход нь хүчирхэгжүүлнэ.

    rjwp15znjnzu394ku1ce3qks7xrh82dff0zrbt8u.png
    rjwp15znjnzu394ku1ce3qks7xrh82dff0zrbt8u.png
    Шинэчлэгдсэн “Өсвөр үеийнхний бат бөх байдлын төлөө” (ӨҮБББТ) хөтөч нь 12 бүлгээс бүрдэх бөгөөд сар бүр нэг бүлгийг судална. Бүлэг тус бүр нь сургаал, зарчим, мөн тэдгээрийн бодит амьдрал дахь хэрэгжилтэд төвлөрдөг.” © 2026 by Intellectual Reserve, Inc. All rights reserved.
    DOWNLOAD

    Ням гаргийн цуглаан болон өсвөр үеийнхний сургалтын хөтөлбөрт өөрчлөлт оруулсан 3-р сарын 30-ны өдөр гарсан зарлалтай холбоотойгоор Есүс Христийн Хожмын Үеийн Гэгээнтнүүдийн Сүм өсвөр үеийнхэн, эцэг эх, удирдагчдыг 2026 оны 9-р сарын 6-наас хэрэгжиж эхлэх өөрчлөлтүүдэд одооноос бэлдэж эхлэхэд урьж байна.

    Эдгээр өөрчлөлтийн гол хэсэг нь шинэчлэгдсэн “Өсвөр үеийнхний бат бөх байдлын төлөө: Сонголт хийхэд туслах хөтөч” буюу зарчимд суурилсан, Христэд төвтэй эх сурвалж бөгөөд энэ намраас эхлэн Залуу эмэгтэйчүүдийн анги, Аароны санваарын чуулгын сургалтын хөтөлбөр болох юм.

    Сүмийн удирдагчид эдгээр өөрчлөлт нь өсвөр үеийнхнийг шавь байх замд нь хүчирхэгжүүлэх, гэр оронд төвлөрсөн сайн мэдээнээс суралцах явцыг гүнзгийрүүлэх, дэлхий даяарх залуучуудыг нэг ижил зарчмыг хамтдаа судлах үед эв нэгдлийг бэхжүүлэх зорилготойг онцолсон.

    Өсвөр үеийнхэнд зориулсан сар бүрийн зарчимд суурилсан сургалтын хөтөлбөр

    Шинэчлэгдсэн “Өсвөр үеийнхний бат бөх байдлын төлөө” (ӨҮБББТ) хөтөч нь 12 бүлгээс бүрдэх бөгөөд сар бүр нэг бүлгийг судална. Бүлэг тус бүр нь сургаал, зарчим, мөн тэдгээрийн бодит амьдрал дахь хэрэгжилтэд төвлөрдөг.” 9-р сарын 6-наас эхлэн анги, чуулгууд сард нэг бүлгийг судалж, хэрхэн Аврагч Есүс Христийг амьдралынхаа төвд байлгаж сонголт хийх талаар суралцана.
    Өсвөр үеийнхнийг 9-р сарын 6-наас өмнө хөтчийг бүхэлд нь уншиж, үүний сургаалуудтай танилцаж, шавь байх, шийдвэр гаргахад туслах насан туршийн эх сурвалжаа болгон ашиглаж сурахыг уриалж байна.
    Энэхүү хөтчийг судалсан өсвөр үеийнхэн дараах үр дүнд хүрэхийг зорьж байна. Тэд:
    1. Есүс Христийн сайн мэдээний талаар гуйвшгүй ойлголттой болж, Түүний насан туршийн шавь болно.
    2. Санваарын ёслол болон гэрээний амлалтуудын талаар илүү гүн ойлголттой болж, хишиг хүртэхэд бэлтгэнэ.
    3. Их Эзэнд үйлчлэх хүсэлтэй болж, номлолд үйлчлэхэд бэлтгэнэ.
    4. Эрэгтэй, эмэгтэй хүний гэрлэлт нь Бурханаар тогтоогдсон бөгөөд гэр бүл нь Эцэгийн төлөвлөгөөний төв гэдгийг ойлгож, ирээдүйн гэр бүлдээ анхаарлаа төвлөрүүлнэ.
    5. Есүс Христ бол тэдний хүч гэдгийг мэддэг болно.
    Энэхүү хөтчийг одоо Gospel Library дахь “Өсвөр үеийнхэн” хавтаснаас үзэж болох бөгөөд хэвлэмэл хувиуд дэлхий даяарх нэгжүүдэд тараагдана.
    5-р сарын 3-наас эхлэн долоо хоногт нэг бүлэг хамтдаа унших:
    2026 оны 5-р сарын 3-наас эхлэн “Өсвөр үеийнхний бат бөх байдлын төлөө” (өмнө нь “Strive to Be” байсан) олон нийтийн мэдээллийн хэрэгслийн сувгууд дэлхий даяарх унших үйл ажиллагааг зохион байгуулна. Өсвөр үеийнхэн, тэдний гэр бүл, удирдагчдыг удахгүй хэрэгжиж эхлэх сургалтын хөтөлбөрт хамтдаа бэлтгэх зорилгоор долоо хоног бүр нэг бүлгийг хамтран уншихыг урьж байна.
    Долоо хоног тутмын постод дараах агуулгууд багтана. Үүнд:
    **Унших урилга
    **Бусад өсвөр үеийнхний ойлголт болон гэрчлэлүүд
    **Өсвөр үеийнхэнд сурч буй зүйлийнхээ дагуу үйлдэхэд нь туслах хэрэгжүүлж болох санаанууд
    Сүмийн өсвөр үеийнхэнд зориулсан олон нийтийн мэдээллийн хэрэгслийн сувгуудыг дага
    t4tvlmbwip1diioy885zo8qq8mbrqqsrdr34tn93.jpeg
    t4tvlmbwip1diioy885zo8qq8mbrqqsrdr34tn93.jpeg
    Сүмийн өсвөр үеийнхэнд чиглэсэн олон нийтийн мэдээллийн хэрэгслийн сувгуудыг өмнө нь Strive to Be гэдэг байсан бол одоо For Strength of Youth (@forstrengthofyouth) гэдэг болсон. © 2026 by Intellectual Reserve, Inc. All rights reserved.
    DOWNLOAD

    Сүмийн өсвөр үеийнхэнд чиглэсэн олон нийтийн мэдээллийн хэрэгслийн сувгуудыг өмнө нь Strive to Be гэдэг байсан бол одоо For Strength of Youth (@forstrengthofyouth) гэдэг болсон.

    Энэхүү сувгууд дараах зүйлсийг санал болгодог:

    **Өсвөр үеийнхний итгэлийг гүнзгийрүүлж, өдөр тутмын амьдралдаа Аврагчийн хайрыг мэдрэхэд туслах Христэд төвтэй, урам зориг өгөх захиаснууд

    **Дэмжлэг үзүүлэх онлайн хүрээлэл дунд өөртөө итгэх итгэл, харьяалагдах мэдрэмж болон шавь байх чанарыг бэхжүүлэх эерэг, урам зориг өгөх контент

    **Залуу эрэгтэй, эмэгтэйчүүдийг Есүс Христийн бусад шавьтай дэлхий даяар холбогдсон мэт мэдрүүлэхэд тусалдаг дэлхийн өнцөг булан бүрийн өсвөр үеийнхэн болон удирдагчдын үзэл бодол, туршлагууд

    Эцэг эх, удирдагч, өсвөр үеийнхнийг мөн дараах сувгуудыг дагахад урьж байна:

      Дэлхий даяарх залуу эмэгтэйчүүд (@youngwomenworldwide Facebook, Instagram)                  Дэлхий даяарх залуу эрэгтэйчүүд (@youngwomenworldwide Facebook, Instagram)           

    2026 оны 8-р сарын 30-нд өсвөр үеийнхэнтэй ярилцах нь

    Өсвөр үеийнхэн болон тэдний гэр бүлийг шинэ сургалтын хөтөлбөрт бэлтгэх зорилгоор Сүм 2026 оны 8-р сарын 30-ны ням гараг буюу тухайн сарын тав дахь ням гарагт дэлхий даяар өсвөр үеийнхэнтэй ярилцах өдрийг товлосон болно.
    Энэхүү ням гарагт:
    **Өсвөр үеийнхэн,
    **Тэдний эцэг эх,
    **Өсвөр үеийнхний удирдагчид,
    **2027 онд 12 нас хүрэх Хүүхдийн хэсгийн хүүхдүүдийг
    Сүмээс бэлтгэсэн сургалтын видеонуудыг хамтдаа үзэж, дараа нь тойргийн хэлэлцүүлгээр өндөрлөж болохын тулд тус тусын салбар, тойрогтоо цуглахыг урьж байна.

                 

    Энэхүү онцгой тав дахь ням гаргийн уулзалтаар шинэ хөтөлбөрийг танилцуулж, гарын авлагыг хэрхэн үр дүнтэй ашиглахыг харуулж 9-р сарын 6-наас эхлэх долоо хоног тутмын хичээлүүдэд өсвөр үеийнхэн хэрхэн бүрэн оролцох талаар бодит заавар зөвлөгөө өгөх болно.
    Залуу эмэгтэйчүүдийн ерөнхий ерөнхийлөгч Эмили Бэлл Фрийман: “Шинэчлэгдсэн Өсвөр үеийнхний бат бөх байдлын төлөө хөтчийн зорилго нь өсвөр үеийнхэнд Есүс Христийн насан туршийн шавь болоход шаардлагатай хэрэгслүүдийг олгоход оршдог. Залуу эмэгтэй, эрэгтэйчүүд уг хөтчид байгаа зарчмуудыг судалж, хэрэгжүүлж, тэдгээрийн дагуу амьдрахыг сурах үедээ аяндаа Христтэй илүү адил болох болно” хэмээн хэлсэн.
    Долоо хоног тутмын хичээлд зайлшгүй шаардлагатай “Өсвөр үеийнхний бат бөх байдлын төлөө” сэтгүүл.
    iioik4zzbsuru1q75p5mkncbhhqbj6683ksjkiby.pngDOWNLOAD

     2026 оны 9-р сараас эхлэн Залуу эмэгтэйчүүдийн анги, Аароны санваарын чуулгын долоо хоног тутмын цуглааныг дэмжих сургалтын материалыг “Өсвөр үеийнхний бат бөх байдлын төлөө” сэтгүүлийн дугаар бүрийн ард хэвлэж гаргана.

    Өрх айлууд эдгээр материалыг цаг алдалгүй хүлээн авч байх нөхцөлийг бүрдүүлэхийн тулд өсвөр үеийнхэн, эцэг эхчүүд, удирдагчдыг magazines.ChurchofJesusChrist.org сайтад аль болох эрт, үнэ төлбөргүй бүртгүүлэхийг уриалж байна.

    Эдгээр сэтгүүлд өсвөр үеийнхэнд сайн мэдээний зарчмуудыг өдөр тутмын амьдралдаа хэрэгжүүлэхэд нь дэмжих гэрчлэл, бодит жишээ, урам зориг өгөх түүхүүд багтана. Мөн дугаар бүрийн дижитал хувилбар нь өмнөх сарын 10-ны өдөр Gospel Library аппликэйшнд байршина. 9-р сарын сургалтын хөтөлбөрийн товч танилцуулгыг үзэхийг хүсвэл энд дарна уу

    Суралцах, үйлдэх, мөн болоход бэлтгэх

    FSY-screen-shot.png
    FSY-screen-shot.png
    9-сарын 6-наас өмнө ӨҮБББТ хөтчийг судлахыг хүссэн хүмүүс Gospel Library апп дээрх суралцах төлөвлөгөөг ашиглаж болно. © 2026 by Intellectual Reserve, Inc. All rights reserved.
    DOWNLOAD
    9-р сарын 6-наас өмнө гарын авлагыг судлахыг хүссэн хүмүүс Gospel Library аппликэйшний суралцах төлөвлөгөөг ашиглах боломжтой. Энэхүү төлөвлөгөө нь уншсан бүлгүүдээ хянах, апп доторх мэдэгдлээ тохируулах, мөн бүлэг бүрийг сонсох зэрэг боломжийг олгодог бөгөөд ингэснээр долоо хоногийн уншлага дууссан гэж автоматаар тэмдэглэгдэнэ.
    Залуу эрэгтэйчүүдийн ерөнхий ерөнхийлөгч  Тимоти Л. Фарнэс: “Насан туршийн шавь байх замнал нь өдөр бүр шавь байхаас эхэлдэг. 2026 оны 9-р сарыг хүлээх зуураа өнөөдрөөс эхлэн ӨҮБББТ-ийн хөтчийг болон холбогдох судруудыг залбиралтайгаар судалж эхэлцгээе. Та нар Түүнтэй хамт алхах үед Есүс Христ бол та нарын хүч гэдгийг мэдрэх болно. Сонголт бүрдээ Түүнийг хөтчөө болгоорой” хэмээн хэлсэн.
    Есдүгээр сар ойртох тусам нэмэлт мэдээлэл, хэрэгцээт материалыг тогтмол хуваалцсаар байх болно.